Old Trafford është një stadium futbollistik në Manchester të Anglisë dhe shtëpia e njërit prej klubeve më të mëdha futbollistike në botë, Manchester United. Ekipi zhvillon ndeshjet e tij në këtë stadium qysh prej vitit 1910. Pas stadiumit Wembley të Londrës, me 76.212 vende ky është stadiumi i dytë në Britaninë e Madhe për nga kapaciteti i shikuesëve. Gjatë kohës kur stadiumi Wembley u rindërtua shumica e ndeshjeve të kombëtarës angleze të futbollit si nikoqire u luajtën në Old Trafford.