Ahagar ose Hogar (Ahaggar ose Hoggar) është masiv malor nqendër të Saharës algjeriane në pjesën jugore të Algjerisë. Përfshinë më tepër së 100.000 km². Maja më e lartë është Tahat 3.005 m. Është i ndërtuar nga rreshpet kristalore parakembrike, të cilët vende vende janë të mbuluar me llavë të terciarit dhe kuaternarit. Klima është shkretinore. Popullsia kryesisht është Tuare, të cilët merren me blegtori (me dele, dhi dhe deve). Rrëzë maleve gjinden një numër i konsiderueshëm i oazave, nga të cilat më e njohura është Tamanraset (Tamanrasset), e cila dikur quhej Fort Laperrine. Në oaza kultivohen drithërat dhe hurma. Në Ahagar janë zbuluar burime të nikelit, bakrit, platinës dhe diamantit si dhe shumë fërkema të kulturave të lashta.
